Il-pulizija fl-istat Indjan ta’ Karnataka arrestat mexxej influwenti reliġjuż tal-Hindu talli allegatament stupra żewġ tfajliet taħt l-età.
Shivamurthy Murugha Sharanaru mill-komunità Lingayat, setta Hindu dominanti f’dan l-istat, jinsab akkużat li aggreddixxa lill-bniet fis-seminarju tiegħu.
Huwa kien arrestat il-Ħamis filgħaxija, sitt ijiem wara l-ilment li sar kontrih u li wassal għal protesti f’dan l-istat. Sharanaru qiegħed jiċħad l-akkużi miġjuba kontra tiegħu.
Huwa tressaq fil-Qorti fl-Indja l-Ġimgħa u baqa’ jinżamm taħt kustodja ġudizzjarja ta’ 14-il jum.
