“Il-ħajja hija ġirja sfrenata biex inlaħħqu, iżda jeħtieġ inkunu kuntenti li ngħixu ħajja diċenti b’serħan il-moħħ li tista’ tgħin lil uliedek. In-nukleu tas-soċjetà hija l-familja u jekk din ma jkollhiex is-serħan il-moħħ se tinħoloq ċertu tensjoni”. Stqarret dan AnneMarie Grech waqt diskussjoni politika bit-tema tal-għoli tal-ħajja.
Is-sinjura Grech qalet li llum l-ġurnata ma taħsibx li hija għażla li l-mara toħroġ taħdem u għalhekk il-politikanti għandhom id-dover li jgħinu lill-familji biex jinħoloq dan il-bilanċ fejn kulħadd ikun kuntent.
