AC Milan akkwistaw is-servizzi tal-goalkeeper ta’ Club Guarani, Devis Vazquez. Vazquez huwa Kolombjan li għandu 24 sena u li kien ilu jilgħab fil-Paragwaj sa mis-sena 2020.
Il-plejer wasal Milanello lbieraħ waranofsinhar u llum mistenni jagħmel it-testijiet mediċi.
Vazquez hu magħruf għat-tul tiegħu ta’ 1.93 metru u ma’ Guarani lagħab 28 partita. Aktar qabel hu lagħab ukoll ma’ Patritotas Boiaca u La Equidad u mistenni jkun it-tieni għażla ta’ Milan bejn il-lasti.
