Wara li tħabbret il-mewt ta’ Mino Raiola fl-età ta’ 54 sena … huwa stess għamel tweet li għadu ma mietx iżda jinsab fit-taqsima tal-kura intensiva hekk kif qed ibati minn marda fil-pulmun.
Raiola huwa wieħed mill-akbar aġenti tal-football fid-dinja, fejn irrappreżenta lil Zlatan Ibrahimovic, Paul Pogba, Erling Haaland, Marco Verratti, Moise Kean, Henrikh Mkhitaryan, Gianluigi Donnarumma u Mario Balotelli fost aktar figuri ta’ profil għoli.
“L-aħbar waslet” nhar il-Ħamis kmieni wara nofsinhar.
Raiola kellu rwol f’ħafna trasferimenti ta’ flus kbar matul il-karriera ta’ suċċess tiegħu, fosthom it-trasferiment rekord ta’ Pogba mingħand Juventus għal ma’ Manchester United fis-sajf tal-2016.
Dan filwaqt li kellu konnessjonijiet mill-qrib ma’ pajjiżna fejn proprju f’Mejju li għadda kien f’Malta għal xi laqgħat fejn indirizza wkoll konferenza stampa f’Dar il-Mediterran għall-Konferenzi ġewwa l-Belt Valletta.