Wednesday, November 18, 2026
Home Sport Motorsport: Warren Sciberras jikseb it-tielet post f’Mugello

Motorsport: Warren Sciberras jikseb it-tielet post f’Mugello

0
42

Is-sewwieq Malti Warren Sciberras kiseb it-tielet post fl-aħħar rawnd tal-GTC Challenge, li sar fiċ-ċirkwit famuż ta’ Mugello fl-Italja matul tmiem il-ġimgħa tal-14 u l-15 ta’ Novembru.

Waqt li kien qed jikkompeti fil-kategorija Porsche GT3 Cup, Sciberras ħa fuqu sfida ġdida hekk kif saq karozza Porsche Cup għall-ewwel darba fil-karriera tiegħu tat-tlielaq.

Minkejja kemm hi impenjattiva l-karozza u l-isfidi tekniċi taċ-ċirkwit ta’ Mugello, is-sewwieq Malti wettaq prestazzjoni eċċellenti u rnexxielu jitla’ fuq il-podju!

Il-GTC Challenge tinkludi karozzi sportivi ta’ prestazzjoni għolja li jikkompetu f’diversi kategoriji f’uħud mill-aktar ċirkwiti tat-tlielaq rinomati fl-Italja.

Prosit lil Warren Sciberras għal dan is-suċċess fantastiku – riżultat pożittiv ieħor għall-motorsport Malti fix-xena internazzjonali!

LEAVE A REPLY

Please enter your comment!
Please enter your name here