F’intervista li kellu ma’ gazzetta Brittanika, il-kowċ ta’ West Ham United David Moyes qal li kemm-il darba kien viċin li jiġi mkeċċi mill-kariga hekk kif it-tim tiegħu kien fiż-żona relegazzjoni u b’periklu li jitilfu posthom fil-kampjonat Premier.
Minkejja kollox, il-grupp ta’ plejers li għandu, li hu sejħilhom eċċezzjonali, għamlu kuraġġ u wara sensiela ta’ riżultati pożittivi evitaw dan il-periklu.
Biex ikollhom iċ-ċirasa fuq il-kejk, it-tim wasal fil-finali tal-UEFA Europa Conference League kontra Fiorentina, xi ħaġa li ilha ma ssir għal dawn l-aħħar 47 sena.
Moyes temm jgħid li l-futur għall-Hammers hu wieħed mill-isbaħ.
