Newcastle United offrew lil Ousmane Dembele ‘kuntratt attraenti’ biex jingħaqad magħhom bi free transfer fis-sajf li ġej.
Il-ftehim tal-internazzjonali Franċiż ma’ Barcelona għandu jiskadi f’Ġunju li ġej, u hu maħsub li d-diskussjonijiet bejn iż-żewġ naħat waqfu.
Il-ġganti Katalani allegatament ma jaffordjawx li jissodisfaw it-talbiet tal-pagi ta’ Dembele, u rapport riċenti sostna li żewġ clubs tal-Premier League kienu diġà avviċinaw lir-rebbieħ tat-Tazza tad-Dinja tal-2018.
L-attakkant irċieva offerta kbira ta’ kuntratt mingħand Newcastle, li saru wieħed mill-aktar clubs sinjuri fid-dinja wara li konsorzju mill-Għarabja Sawdija ħa l-kontroll tagħhom riċentement.
Iż-żagħżugħ ta’ 24 sena għamel biss tmien dehriet mal-ġganti Katalani matul l-istaġun 2021-22 minħabba injury, u tħabat b’numru ta’ problemi ta’ injury fiż-żmien li għamel fil-Camp Nou.
Dembele, marbut ukoll ma’ Manchester United u Chelsea, mhux se jkun disponibbli għall-għażla kontra Mallorca nhar il-Ħadd, bl-attakkant wieħed minn numru ta’ players ta’ Barcelona riċentement irriżulta pożittiv għall-coronavirus.
