L-attakkant ta’ Barcelona Ousmane Dembele huwa rappurtat li jinsab lest li jiffirma ftehim ġdid mal-ġganti Katalani l-ġimgħa d-dieħla.
L-ex player ta’ Borussia Dortmund huwa lest li jidħol fl-aħħar sitt xhur tal-kuntratt eżistenti tiegħu mal-Blaugrana u jkun liberu li jitkellem ma’ clubs x’imkien ieħor minn Jannar.
Barcelona huwa mifhum li qed jersqu lejn l-iffirmar ta’ Ferran Torres mingħand Manchester City, iżda Xavi għadu jittama li Dembele jimpenja ruħu għal ftehim ġdid fil-Camp Nou.
Issa, Dembele ddeċieda li jibqa’ ma’ Barcelona u se jiffirma ftehim ġdid ta’ ħames snin, għalkemm bi tnaqqis sinifikanti fil-pagi.
Il-wasla ta’ Xavi ħalliet lil Dembele iħossu ottimist dwar il-prospetti futuri tiegħu fil-Katalunja, u l-club mistenni jħabbar il-kuntratt il-ġdid tiegħu fil-jiem li ġejjin.
Dembele għamel biss tmien dehriet fil-kompetizzjonijiet kollha dan l-istaġun minħabba injury iżda beda l-aħħar tliet logħbiet tat-team tiegħu fil-La Liga, filwaqt li rreġistra assists kontra Elche u Sevilla.
