Pedro Neto ġedded il-kuntratt tiegħu ma’ Chelsea, wara sentejn mill-wasla tiegħu fi Stamford Bridge mingħand Wolves. Il-Portugiż ta’ 26 sena diġà għamel 108 dehriet għall-Blues u għandu total ta’ 40 goal u assist.
Neto kellu rwol importanti fis-suċċessi ta’ Chelsea fil-UEFA Conference League u fit-Tazza tad-Dinja tal-Clubs fl-2025,
fejn skorja tliet goals.
Dan l-istaġun diġà skorja darbtejn, inkluż goal brillanti kontra Leeds fil-League Cup li għen lil Chelsea jlestu rimonta.
Neto qal li huwa mument inkredibbli għalih li jkompli jilgħab ma’ Chelsea u li jħossu bħal qiegħed id-dar. Huwa esprima x-xewqa li jikseb aktar suċċessi mal-club.
Matul iż-żmien tiegħu ma’ Chelsea, Neto skorja l-ewwel goal tiegħu fil-Premier League kontra Arsenal u skorja ukoll goal tard kontra Fulham li assigura tliet punti importanti fil-ġlieda għall-kwalifikazzjoni għall-UEFA Champions League.
Dan il-goal ġie vvutat mill-partitarji bħala l-aqwa goal ta’ Chelsea għall-istaġun 2024/25.
