Il-kontroversja dwar kummenti li għamel Kylian Mbappé fuq imaġini li kien juri lill-eks mexxej Ċiniż, Mao Zedong, qed tqajjem inċertezza dwar ir-relazzjoni ta’ La Liga maċ-Ċina.
L-attakkant ta’ Real Madrid kien iddeskriva lil Mao bħala dittatur Ċiniż, u dan wassal għal kritika qawwija. Minkejja li Mbappé, Real Madrid u La Liga talbu skuża, l-istazzjon televiżiv CCTV issospenda x-xandiriet tal-kampjonat Spanjol, filwaqt li l-pjattaforma Migu neħħiet partita ta’ Real Madrid mill-iskeda tagħha.
Tliet kumpaniji Ċiniżi temmew ukoll il-ftehimiet ta’ sponsor ma’ Mbappé. Il-President ta’ La Liga, Javier Tebas, qed jagħmel kuntatti mal-awtoritajiet Ċiniżi biex isolvi l-kwistjoni.
Il-ftehimiet tax-xandir jiswew madwar €10 miljun fis-sena.
