Kazin Banda San Ġorġ huma r-rebbieħa tal-kampjonati tat-Tieni Diviżjoni organizzati mill-Malta Pool Association. F’finali eċċitanti, it-tim Qormi għeleb lil dak tal-Każin San Ġużepp tal-Kalkara bl-iskor ta’ 11-7. Kien it-tim Karkariż li fetaħ vantaġġ tajjeb ta’ 4-1 fl-ewwel sessjoni bit-tim Qormi jirkupra u jagħmel l-iskor 5-5 fi tmiem tat-tieni sessjoni. Bl-iskor ta’ 7-7 il-players tat-tim Qormi sfruttaw l-esperjenza tagħhom u kisbu rebħa ta’ erba’ frames konsekuttivi li ssiġillaw ir-rebħ tal-kampjonati għat-tieni sena konsekuttiva.
It-tim tal-Każin Banda San Ġorġ kien kompost minn Ezio Fenech, Wallace Muscat, Tonio Cassar, Alfred Attard, Kevin Mercieca, Joseph Qasha, Duncan Edwards, Clayton Attard, Dylan Edwards u Denzel Falzon.
