“Illum jimmarka jum mudlam għall-familja tagħna, hekk kif dalgħodu miet l-anġlu għażiż tagħna ‘Rusty’. Fit-18 ta’ Jannar il-kelb tagħna Rusty kien involut f’inċident ta’ hit and run f’Raħal Ġdid”.
Kien Richard Gatt li ddikjara dan permezz ta’ Facebook, fejn spjega li wara li s-sewwieq laqat lil ġeru, dan allegatamentt baqa’ jagħfas il-gass, bil-konsegwenza li kaxkar lil ġeru ċkejken għal aktar minn ħamsin metru u baqa’ għaddej.
Gatt rrimarka li sfortunatament wara operazzjoni fl-Italja u diversi żjarat għand il-veterinarji fejn ingħata l-kura meħtieġa u l-attenzjoni mill-familja kollha ta’ Gatt sttess, il-ġeru mie dalgħodu.
Fl-istess messaġġ, Gatt staqsa; “Dan huwa l-mod ta’ kif aħna l-Maltin ġejna? Allura ġejna daqshekk insensittivi li wieħed ma jieqafx wara inċident? X’kien jiġri allura jekk Alla jnixxifli lsieni kien ikun tifel jew tifla flok ġeru?”.
