Mil-lum sa nhar it- Tnejn li ġej, tintlagħab il-ħames ġurnata tal-Malta Premier League bl-aktar partita attraenti tkun bejn Floriana u Hibernians.
L-attenzjoni tkun ukoll fuq Hamrun Spartans li ġejjin minn telfa xejn mistennija kontra Mosta hekk kif jilagħbu kontra Balzan.
Il-leaders Birkirkara u Sliema Wanderers għandhom partita kemmxejn delikata meta jaffrontaw lil Gzira United u lil Melita rispettivament.
Zabbar St Patrick v Naxxar Lions hija partita diretta bejn żewġ timijiet fin-naħa t’isfel tal-klassifika.
Marsaxlokk, li jinsabu fil-qiegħ tal-klassifika mingħajr l-ebda punt, jiltaqgħu kontra Mosta.
Floriana v Hibernians – Floriana u Hibernians, fost l-aqwa timijiet fl-istorja tal-football Malti, iġeddu l-memorji tar-rivalitá sportiva li teżisti bejniethom.
Floriana ġejjin minn rebħa ta’ 2-0 fuq Naxxar Lions li setgħet kienet akbar li kieku l-Greens kienu aktra preċiżi quddiem il-lasti avversarji.
Bil-Ġamajkan naturalizzat Malti, Kemar Reid, lura fit-team wara injury u n-Niġerjan, Franklin Sasere, jidher li ssetilja fl-ambjent Furjaniż, l-attakk huwa l-arma letali tat-team immexxi mill-coach Darren Abdilla.
Infatti Sasere skorja ż-żewġ goals fir-rebħa fuq in-Naxxarin.
Hibernians, li ġejjin minn telfa ta’ 2-0 kontra Birkirkara, iridu jagħrfu kif jorganizzaw kontra team li bħal donnu sab il- forma wara bidu nċert.
Xejn għajr minn rebħa ma tissodisfa l-kriterji taż-żewġ timijiet biex iżommu l-pass mat-timijiet ta’ fuqhom.
Gzira U. v Sliema W. – Dan il-konfront huwa derby tax-Xatt tas-Sliema hekk kif Gzira United jiltaqgħu kontra Sliema Wanderers.
Iż-żewġ timijiet ġejjin minn rebħa … il-Maroons fuq Melita bl-iskor ta’ 3-2 u l-Wanderers fuq Marsaxlokk bl-iskor ta’ 1-0.
Is-Slimiżi jimmiraw li jkomplu bis-sensiela pożittiva tagħhom biex jibqgħu jgawdu l-quċċata tal-klassiika.
Interessanti huwa l-fatt li huma l-uniku team li għadu ma sofra l-ebda goal … għas-seba’ darba nfila jekk wieħed jikludi l-istaġun preċedenti.
Infatti l-aħħar goal li qalgħu kien nhar l-14 ta’ April li għadda, fid-draw ta’ 1-1 kontra Balzan.
Rebħa għalihom tkun tfisser li jaqbżu lil Sliema fl-ewwel post tal-klassifika.
Il-Maroons għandhom lill-attakkant mill-Kamerun, Joseph Minala, li jibda sospensjoni ta’ tliet partiti.
Balzan v Hamrun S. – Iċ-champions Hamrun Spartans iridu jinsew id- diżappunt ta’ tmiem il-ġimgħa li għadda meta sfaw megħluba minn Mosta bl-iskor ta’ 1-0 biex sofrew l-ewwel telfa wara disa’ partiti, biex il-Mostin irrepetew dan is-suċċess wara erba’ snin u nofs, eżattament nhar it-22 ta’ Frar, 2020, bl-iskor ta’ 2-1.
Anke Balzan ġejjin minn telfa ta’ 2-0 kontra Zabbar St Patrick fl-ewwel konfront bejniethom fl-ogħla diviżjoni.
B’din it-telfa, issa huma nqabdu fin-naħa t’isfel tal-klassifika.
Minkejja li fil-football kollox huwa possibbli huma se jilagħbu kontra team determinat li jikseb it-tliet punti wara li tilef il-pass mal-leaders.
L-Ispartans se jkollhom jgħaddu mingħajr il-player sospiż, Ryan Camenzuli, li tkeċċa kontra Mosta filwaqt li għal Balzan jirritorna Jan Busuttil minn sospensjoni iżda ma jistgħux jinkludu lil Nikola Zerjal minħabba li huwa wkoll sospiż.
Zabbar SP v Naxxar L. – Dan huwa s-sitt konfront bejn dawn iż-żewġ timijiet fejn fil-ħamsa preċedenti Naxxar Lions rebħu tnejn, Zabbar St Patrick rebħu waħda, bit-tnejn l-oħra jispiċċaw fi draws.
L-aħħar darba li ltaqgħu kien fis-17 ta’ April, 1999, fid-draw ta’ 1-1.
Filwaqt li ż-Żabbarin ġejjin minn rebħa, in-Naxxarin ġejjin minn telfa kontra Floriana biex laħquhom fil-klassifika bi tliet punti.
Għaldaqstant meta jkun fadal sitt partiti biex tintemm l-ewwel fażi, rebħa għal xi ħadd minnhom tħallihom jittamaw li jistgħu jispiċċaw mal-ewwel sitta għalkemm fil-veritá t-tamiet huma limitati.
Melita v Birkirkara– Din hija partita li Birkirkara jridu jirbħu akkost ta’ kollox jekk iridu jibqgħu fil-quċċata u jkomplu jisfidaw lil Sliema Wanderers.
Huma ġejjin minn rebħa importanti ta’ 2-0 kontra Hibernians filwaqt li Melita ġejjin minn telfa kontra Gzira United.
Peró, Birkirkara jridu juru rispett lejn l-avversarji tagħhom li kapaċi joħolqu xi sorpriża minkejja li huma neqsin mill-esperjenza tal-ogħla diviżjoni.
Rebħa għal Melita ttellagħhom tliet punti taħt l-istess Karkariżi.
Marsasxlokk v Mosta – L-aktar team li ddiżappunta s’issa, Marsaxlokk, ji- lagħbu kontra Mosta.
Filwaqt li Mosta jinżlu b’moral għoli wara r-rebħa fuq Hamrun Spartans, Marsaxlokk iridu jagħrfu kif se jorganizzaw lilhom infushom hekk kif minn erba’ partiti fallew 12-il punt!
Fil-bidu tal-istaġun taw l-impressjoni li se jkunu fost l-isfidanti ewlenin. Iżda għadu mhux tard għalihom minħabba li jistgħu jirkupraw il-pożizzjoni tagħhom fit-tieni fażi.
– Cristian Muscat