Il-club ta’ Manchester United għadu jiffaċċja problemi finanzjarji minkejja l-isforzi ta’ Sir Jim Ratcliffe biex inaqqas l-ispejjeż. Id-dejn ġenerali tal-club għadu jaqbeż il-£1 biljun. Dan jinkludi £577.6 miljuni f’dejn storiku, £111.4 miljuni fuq il-faċilità ta’ kreditu rotanti u ammont kbir fi ħlasijiet pendenti relatati ma’ trasferimenti.
Minkejja dawn id-diffikultajiet, ir-Red Devils irreġistraw dħul rekord ta’ £677.6 miljuni u profitt operattiv ta’ £22.6 miljuni. Dan huwa titjib sinifikanti meta mqabbel mat-telf ta’ £113.2 miljuni fl-istaġun 2023-24. Madankollu, l-ispejjeż finanzjarji żdiedu b’mod qawwi u laħqu £69.6 miljuni.
Il-club ikkonferma wkoll li nefaq £63.5 miljuni biex xtara art għall-istadium il-ġdid tiegħu. L-istadium mistenni jiswa aktar minn £2 biljun u se jinbena madwar 350 metru ’il bogħod minn Old Trafford. Il-United qalu li l-fondi addizzjonali kienu maħsuba għall-proġett tal-istadium.
Fl-istess waqt, il-partitarji kkritikaw lill-club għan-nuqqas ta’ investiment fl-iskwadra. Huma nefqu £148 miljun fuq tliet players ġodda, iżda ħafna partitarji xtaqu aktar akkwisti, speċjalment fid-difiża u fl-attakk.
Ratcliffe introduċa wkoll miżuri ta’ tnaqqis fl-ispejjeż, li wasslu biex 450 impjegat jitilfu xogħlhom.
L-ispejjeż tas-salarji naqsu għal £302 miljun. Minkejja dan, il-club qed jipprova jżomm bilanċ bejn is-sostenibbiltà finanzjarja, l-investiment fl-iskwadri u l-bini tal-istadium il-ġdid.
