F’partita mill-aktar movimentata, Manchester City sfaw miżmuma minn Tottenham Hotspur 3-3 biex ċedew it-tieni post lil Liverpool.
L-iskorers ta’ Spurs kienu Son Heung-Min (6), Giovani Lo Celso (69) u Dejan Kulusevski (91) filwaqt li l-goals tas-City waslu minn auto-goal ta’ Son Heung-Min (9), Phil Foden (31) u Jack Grealish (81).
Bournemouth v Aston Villa – Bournemouth u Aston Villa temmew fi draw ta’ 2-2 biex dawn tal-aħħar ħadu skoss qawwi fit-tentattiv li jkomplu jisfidaw għal post mal-ewwel erbgħa.
Antoine Semenyo (10) u Dominic Solanke (52) skorjaw għaċ-Cherries filwaqt li Leon Bailey (20) u Ollie Watkins (93) wieġbu għall-Villans.
Chelsea v Brighton – Chelsea kisbu rebħa importanti ta’ 3-2 fuq Brighton minkejja li kellhom lil Conor Gallagher (45) imkeċċi għal żewġ karti sofor.
Il-goals tagħhom waslu minn Enzo Fernandez (17, 65 pen) u Levi Colwill (21) filwaqt li Facundo Valentin Buonanotte (43) u Joao Pedro (92) irrispondew għas- Seagulls.
Liverpool v Fulham – Liverpool irreġistraw rebħa drammatika ta’ 4-3 fuq Fulham.
Iżda minkejja din ir-rebħa, il-goalkeeper Alisson Becker, inħass ħafna hekk kif qed jirkupra minn injury fil-hamstring.
Il-goals tagħhom waslu minn Bernd Leno (20 og), Alexis MacAllister (38), Wataru Endo (87) u Trent Alexander-Arnold (88) filwaqt li Harry Wilson (24), Kenny Tete (45) u Bobby Reid (80) skorjaw għal Fulham.
West Ham v C. Palace – West Ham u Crystal Palace temmew fi draw ta’ 1-1.
Mohammed Kudus (13) fetaħ l-iskor għall-Hammers filwaqt li Odsonne Edouard (53) għamel l-iskor indaqs għall-Palace.
