Fil-Premier League Ingliż, Manchester City umiljaw lil Manchester United meta, f’Old Trafford, għelbuhom bl-iskor ta’ 3-0.
Ir-Red Devils ma kellhom l-ebda risposta għal-logħob tal-avversarji tagħhom filwaqt li l-goalkeeper, Andre Onana, wettaq bosta saves biex żamm l-iskor aktar rispettabbli.
Il-goals waslu minn Erling Haaland (24, 49 pen) u Phil Foden (80).
West Ham v Everton – Everton irreġistraw sorpriża kbira meta barra minn darhom għelbu lil West Ham bl-iskor ta’ 1-0 biex akkwistaw tliet punti mill-aktar importanti fil-ġlieda tagħhom għas-salvazzjoni.
L-uniku goal tal-partita wasal fil-51 minuta minn Dominic Calvert-Lewin.
Aston Villa v Luton – Aston Villa għelbu lil Luton Town bl-iskor ta’ 3-1 biex saħħew il-ħames pożizzjoni. Il-goals ġew skorjati minn John McGinn (17), Moussa Diaby (49) u Tom Lockye (62 o.g.). Luton naqqsu l-marġni minn auto-goal ta’ Emilano Martinez (83).
Brighton v Fulham – Brighton ġew miżmuma fi draw ta’ 1-1 minn Fulham. Evan Ferguson (26) fetaħ l-iskor għal Brighton iżda Joao Palhinha (65) kiseb id-draw għall-viżitaturi.
Liverpool v Nottm F. – Liverpool komplew iżommu l-pass mat-timijiet ta’ fuq meta kisbu rebħa komda ta’ 3-0 fuq Nottingham Forest. L-iskorers kienu Diogo Jota (31), Darwin Nunez (35) u Mohamed Salah (77).
