“Qerridtli ħajti, imma ma nobgħodokx.” Dan kien l-aħħar messaġġ li kiteb Valerio Gentile ta’ 35 sena li tilef ħajtu nhar is-Sibt li għadda fl-Isptar Castelli fl-Italja.
Kien fid-9 ta’ Lulju li għadda meta Valerio safa attakkat mis-sieħba tiegħu hekk kif xeħtitlu l-aċtu fuq wiċċu u f’għonqu. Kawża ta’ dan l-attakk li sofra ġrieħi gravi ħafna.
Għal xi jiem it-tobba kienu fiduċjużi li l-vittma kien qiegħed ifieq, iżda s-Sibt filgħodu reġa’ qaleb għal agħar fejn imbagħad ġie ċertifikat mejjet.
Hu kien instab minn persuni f’ġemb ta’ triq f’villaġġ ‘il barra minn Ruma u mill-ewwel indunaw li kellu bżonn l-għajnuna. Kienu ssejħu s-servizzi tal-emerġenza fejn ħadu lir-raġel l-isptar biex jingħata l-kura.
Wara li l-pulizija Taljana tkellmu mas-sieħba tiegħu li għandha 29 sena, inħareġ mandatt ta’ arrest fejn bdiet tiġi interrogata dwar dak li seħħ.
Hija tressqet il-Qorti fl-Italja fejn qiegħda tiffaċċja diversi akkużi, u issa li l-vittma tilef ħajtu, il-prosekuzzjoni qegħdin jitlobu li l-akkużi jinbidlu għal omiċidju.
