Raġel ta’ 55 sena residenti Ħaż-Żebbuġ Għawdex jinsab fil-periklu tal-mewt wara li aktar kmieni dalgħodu għall-ħabta tat-8: 15 a.m kien involut f’inċident fi Triq l-Imħażen fil-Furjana.
Minn stħarriġ illi sar, irriżulta li r-raġel tilef il-kontroll tal-vettura Smart li kien qed isuq u kellu impatt ma’ propjetà privata.
Huwa ingħata l-għajnuna minn tim mediku u ttieħed l-Isptar Mater Dei b’ambulanza.
Il-Pulizija għaddejja bl-investigazzjonijiet fuq il-każ.
