Raġel weġġa’ gravi wara li lbieraħ għall-ħabta tal-10.30pm seħħ inċident tat-traffiku fi Triq il-Ferrovija, Santa Venera.
Il-Pulizija fi stqarru qalu li huma marru minnufih fuq il-post u minn stħarriġ preliminari rriżulta li kienet seħħet ħabta bejn mutur Sym Symphony misjuq minn raġel ta’ 20 sena residenti Birkirkara u karozza BMW 118D misjuqa minn raġel ta’ 23 sena residenti Santa Venera.
Is-sewwieq tal-mutur ingħata l-għajnuna minn tim mediku u ttieħed l-Isptar Mater Dei b’ambulanza, fejn ġie ċċertifikat li weġġa’ gravi.
Il-Pulizija għaddejja bl-investigazzjonijiet fuq il-każ.
