Ralf Rangnick kien “furjuż” ma’ Manchester United talli rrifjutaw iċ-ċans li jakkwistaw lil Julian Alvarez mingħand River Plate matul it-tieqa tat-trasferimenti ta’ Jannar.
Iż-żagħżugħ ta’ 22 sena kien marbut ma’ ċaqliq f’Old Trafford meta deher ċar li kien se jħalli lill-club Arġentin tiegħu, iżda fl-aħħar mill-aħħar Manchester City rebħu t-tellieqa biex jiffirmawh.
Alvarez baqa’ misluf ma’ River għat-tieni nofs tal-istaġun 2021-22 qabel ma ngħaqad mas-Citizens, u skorja tliet goals fi tmien dehriet għaċ-champions Ingliżi.
