Id-difensur ta’ Wolverhampton Wanderers, Rayan Ait-Nouri jinsab fuq ir-radar ta’ Paris Saint-Germain.
Iż-żagħżugħ ta’ 20 sena għamel 23 dehra fil-Ligue 1 ma’ Angers qabel ma ngħaqad ma’ Wolves bi ftehim permanenti dan is-sajf wara perjodu ta’ self impressjonanti.
Ait-Nouri approfitta mill-problemi ta’ injury ta’ Jonny biex kiseb post fl-ewwel 11 ta’ Wolves, u lagħab id-90 minuta sħaħ fl-aħħar sitt logħbiet tal-Premier League tat-team tiegħu u għen lit-team ta’ Bruno Lage jżomm tliet clean sheets fl-aħħar erbgħa partiti tagħhom.
Il-wirjiet ta’ Ait-Nouri ma baqgħux inosservati, b’PSG issa qed jippjanaw li jagħmlu offerta għall-ex player ta’ Angers fit-tieqa tat-trasferimenti ta’ Jannar.
Ait-Nouri qed jinteressa ferm lil PSG wara rakkomandazzjonijiet mill-iscouts ta’ Mauricio Pochettino, iżda jista’ jiswa sa £30 miljun biex iħalli lil Wolves.
Id-difensur xellugi skorja goal wieħed u pprovda tliet assists minn 34 logħba għall-club tal-Premier League u jinsab taħt kuntratt fil-Molineux Stadium sal-2026.
