Floriana ………..2
Marsaxlokk …..1
Minn Cristian Muscat
F’kundizzjonijiet klimatiċi xejn favorevoli minħabba x-xita qawwija li ħakmet lill-Gżejjer Maltin, Floriana ħallew għall-aħħar biex għelbu lil Marsaxlokk bl-iskor ta’ 2-1.
Madankollu, kienet partita bilanċjata, fejn għalkemm Floriana ħarġu rebbieħa, li kieku Marsaxlokk ħarġu mill-ground almenu b’punt ma kienu jisirqu xejn.
Kienu Marsaxlokk li ħolqu l-ewwel periklu fid-disa’ minuta meta Yuri De Jesus Messias dar tajjeb mal-goalkeeper, Christoffer Mafoumbi, iżda kellu l-konklużjoni tiegħu mill-viċin tiġi salvata f’corner bir-ras minn difensur ta’ Floriana, biex salva goal ċert.
Madankollu, kienu Floriana li fetħu l-iskor fis-16-il minuta permezz ta’ free-kick mill-isbaħ ta’ JULIAN GONZALO GAMARRA li ma ta l-ebda ċans lill-goalkeeper ta’ Marsaxlokk, Matthew Calleja Cremona.
Marasaxlokk wieġbu fis-26 minuta permezz ta’ xutt b’saħħtu kważi minn tarf il-kaxxa tas-solitu Yuri De Jesus Messias li iżda ntemm għoli.
Fl-41 minuta, il-Greens reġgħu ħolqu l-periklu meta wara li rċieva minn azzjoni ta’ corner, Matias Nicolas Garcia kellu d-daqqa ta’ ras tiegħu salvata tajjeb minn Calleja Cremona.
Fil-51 minuta Floriana appellaw għall-penalty iżda r-referee, Matthew Degabriele, wera l-karta safra lil Jake Grech għal simulazzjoni.
Marsaxlokk irrispondew tmien minuti wara permezz ta’ cross-shot insidjuż tal-captain Leandro Aguirre li ġie ppanċjat f’sigurtá mill-goalkeeper Mafoumbi.
Huma komplew jipproduċu l-isbaħ logħob u fid-79 minuta Mafoumbi ħareġ barra minn postu biex interċetta tajjeb fuq Yuri De Jesus Messias.
Fil-81 minuta, Marsaxlokk kisbu d-draw meta LUCAS EMANUEL LOPEZ kompla għal ġewwa d-daqqa ta’ ras ta’ Messias.
Iżda minuta mit-tmiem, Floriana skorjaw il-goal tar-rebħa minn MATIAS NICOLAS GARCIA minn azzjoni ta’ corner.
FLORIANA: 45-Christoffer Mafoumbi, 4-Oualid El Hasni, 8-Jake Grech (9-Elvis Mashike Sukise 63), 11-Zachary Scerri (14-Jork Eblin Becerra 72), 20-Matias Nicolas Garcia, 21-Carlo Zammit Lonardelli (77-Aleandro Garzia 72), 25-Julian Ginzalo Gamarra, 27-Franklin Sasere, 55-Alexandros Kouro, 79-Serge Cedric Gyuy Yameogo – Coach: Darren Abdilla
MARSAXLOKK: 1-Matthew Calleja Cremona, 4-Karl Micallef, 5-Jorge Ailton Soares, 6-Nikolai Muscat, 10-Yuri De Jesus Messias, 14-Juan Carlos Corabalan (9-Sergo Kukhianidze 76), 19-Jose Ulises Arias, 20-Martin Adamec (3-Duvan Torres 93), 22-Lucas Emanuel Lopez, 23-Alex De Aguilar Gomes, 27-Leandro Aguirre – Coach: Vincenzo Potenza
REFEREE: Matthew Degabriele
ASS. REFEREES: James Muscat, Paul Apap
RABA’ UFF: Glen Tonna
SKORERS: J. G. Gamarra 16, M. N. Garcia 89 (F), L. E. Lopez 81 (M)
AMMONITI: J. A. Soares (M), J. Grech, D. Vella (F)
