Il-Prim Ministru Robert Abela tefa’ n-nomina tiegħu biex jiġi kkonfermat bħala Mexxej tal-Partit Laburista. Dan bħala parti mill-Konferenza Ġenerali, kif jistipula l-istatut tal-partit wara kull elezzjoni ġenerali.
Dr Abela qed imur għal din il-Konferenza Ġenerali Laburista, li se ssir bejn it-30 ta’ Ġunju u t-2 ta’ Lulju li ġejjin fiċ-Ċentru Nazzjonali Laburista, wara r-rebħa storika għall-partit fl-elezzjoni ġenerali tat-30 ta’ Mejju li għadda.