Roberto De Zerbi qed jidher dejjem aktar probabbli li jitlaq lil Brighton fis- sajf, bi clubs bħal Liverpool u Chelsea interessati li jakkwistaw is-servizzi tiegħu.
Il-coach Taljan ta’ 44 sena kompla jimpressjona mas-Seagulls f’dan l-istaġun, u paxxa lill-partitarji fuq il-kosta tan-Nofsinhar bil-marka eċċitanti tiegħu ta’ football.
Brighton jinsabu f’post tajjeb lejn l-aħħar xhur tal-istaġun, minkejja li sofrew eliminazzjoni mill-Europa League, hekk kif jinsabu fi’taqtiegħa ħarxa għall-kwalifikazzjoni Ewropea fil-Premier League. Fl-isfond, De Zerbi kien imsemmi ħafna mal-aqwa clubs madwar il-kontinent.
Jidher li De Zerbi qed iħares dejjem aktar fit-triq it-tajba biex jitlaq minn Brighton fi tmiem l-istaġun biex jingħaqad ma’ wieħed mill-aqwa clubs fl-Ewropa. Lista twila huma ħerqana għal trasferiment, inklużi Liverpool, Chelsea, Manchester United, Bayern Munich u Barcelona.
Bħalissa De Zerbi jaqla’ salarju ta’ madwar €5 miljun netti kull staġun ma’ Brighton u għandu klawsola ta’ rilaxx ta’ €13-il miljun fil-kuntratt tiegħu.
