Wara t-terremot li għaddejjin minnhom AS Roma meta keċċew lill-kowċ Daniele de Rossi u aċċettaw ir-riżenja tad-direttriċi sportiva Lina Souloukou, issa d-diriġenti tal-klabb qed ifittxu sostitut għaliha.
F’dawn l-aħħar sigħat qed jissemma’ l-isem ta’ Zvonimir Boban, eks-plejer u diriġent ta’ AC Milan, li jista’ jokkupa dan ir-rwol li hu ferm importanti fit-treġija tal-klabb.
Isem ieħor li qed jissemma’ hu Zibi Boniek li għandu passat ma’ AS Roma meta lagħab magħhom bejn l-1985 u l-1988.