Hekk kif Ruben Amorim jinsab fiċ-ċentru ta’ diskussjoni u spekulazzjonijiet li jista’ jingħaqad ma’ West Ham United bħala kowċ għall-istaġun li ġej, hu xtaq jiskuża ruħu b’mod partikolari mad-diriġenti tal-klabb tiegħu Sporting Lisbon wara li ltaqa’ ma’ xi amminstraturi tal-Hammers fil-jiem li għaddew.
Amorim kien qed jitkellem wara l-isfida li t-tim tiegħu kellu kontra Porto mill-kampjonat Portugiż fejn qal li meta hu jitlob rispett lill-plejers tiegħu, hu għamel xi ħaġa li ma tixraqx lilu.
Hu qal li ġera wisq meta ltaqa’ ma’ rappreżentanti ta’ West Ham u wiegħed li sal-aħħar ta’ dan l-istaġun se jkun qed jikkonċentra bis-sħiħ sabiex iwassal lil Sporting Lisbon għat-tragwardi tiegħu.
