Wales kisbu waħda mill-aktar rebħiet importanti fl-istorja tar-rugby tagħha meta għelbu lil New Zealand 35-28 f’konfront tan-Nations Championship, fil-Principality Stadium, f’Cardiff.
Din kienet l-ewwel rebħa ta’ Wales kontra l-All Blacks mill-1953, u temmet sensiela ta’ 34 telfa konsekuttiva kontra t-team ta’ New Zealand.
Wales bdiet tajjeb ħafna, b’Tomos Williams u l-captain Dewi Lake jiskorjaw żewġ tries bikrin. Archie Griffin żied it-tielet try, iżda New Zealand irnexxielhom jirkupraw u kisbu d-draw 21-21 sal-mistrieħ.
Fit-tieni taqsima, Eddie James u Louis Rees-Zammit reġgħu taw vantaġġ lil Wales, li żammew il-vantaġġ sal-aħħar biex kisbet rebħa storika li qanqlet ċelebrazzjonijiet kbar.
