Andrea Tacconi, li jiġi iben l-eks goalkeeper leġġendarju Taljan Stefano, tkellem għall-ewwel darba minn April li għadda fuq Instagram dwar il-kundizzjoni fiżika ta’ missieru.
Andrea qal li missieru jinsab ftit aħjar għalkemm it-triq hi ferm twila u r-rijabilitazzjoni tiegħu se tieħu żgur fit-tul.
Stefano Tacconi, li għandu 64 sena, qed isofri minn kundizzjoni f’moħħu. Hu baqa’ ferm popolari mal-partitarji ta’ Juventus fiż-żmien meta kien jiddefendi l-lasti Bianconeri fis-snin tmenin u bidu tas-snin disgħin.
