Tottenham Hotspur identifikaw lill-attakkant ta’ Stuttgart, Sasa Kalajdzic, bħala mira potenzjali għat-trasferiment tas-sajf.
Tnax-il xahar ilu, Spurs kienu qed ikollhom jikkontemplaw sostituzzjonijiet potenzjali għal Harry Kane, il-leġġenda tal-club li kien jidher viċin li jfittex sfidi ġodda fil-karriera tiegħu ma’ xi club ieħor.
Madankollu, il-pożizzjoni tal-player internazzjonali Ingliż issa nbidlet, bil-player issa investa bis-sħiħ fil-proġett ta’ Antonio Conte ma’ Spurs anke għall-fatt li rnexxielhom jiksbu post fiċ-Champions League.
Iżda, xorta waħda huwa mifhum li Conte qed ifittex wiċċ ġdid fl-attakk tiegħu, b’Kalajdzic jista’ jkun akkwist potenzjali.
