Steven Sargent huwa r-raġel ta’ 42 sena mill-Gudja li aktar kmieni dalgħodu tilef ħajtu traġikament f’inċident tat-traffiku fi Triq Ħal Tarxien, il-Gudja.
Huwa tilef ħajtu f’ħabta bil-mutur ma’ vann tal-għamla Ford Transit misjuq minn raġel ta’ 62 sena mill-Qrendi.
B’reazzjoni għall-aħbar tal-mewt tiegħu, kollegi tiegħu qalu li jinsabu maħsudin b’din it-telfa traġika. Fost dawn kien hemm Jeanesse Abela li stqarret li tinsab bla kliem quddiem din l-aħbar u fakkritu bħala bniedem simpatiku u ħabbrieki fuq il-post tax-xogħol u li bit-tbissima tiegħu kien jixgħel il-post.
Aqra wkoll:
