Raġel li għandu karta tal-identità Taljana, iżda f’Malta hu residenti f’Buġibba ammetta quddiem il-Qorti li kien qiegħed jbiegħ prodotti foloz u wettaq attività kummerċjali mingħajr liċenzja fuq il-Promenade fi Triq id-Dawret il-Qawra.
Ir-raġel li għandu 61 sena ġie akkużat li uża ditti ffalsifikati mingħajr il-kunsens tas-sidien tagħhom u li biegħ jew żamm għall-bejgħ merkanzija b’marki li setgħu jqarrqu bil-konsumatur.
Il-Qorti, ippreseduta mill-Maġistrat Astrid May Grima, sabitu ħati fuq ammissjoni tiegħu stess u kkundannatu sena ħabs sospiża għal erba’ snin.