Taljan ta’ 25 sena kien ikkundannat sentejn ħabs sospiżi għal erba’ snin wara li ammetta li seraq minn ħanut f’Għajnsielem, Għawdex.
Il-każ seħħ nhar l-14 ta’ Settembru meta l-Pulizija kienu infurmati mis-sid tal-post li sab ammont ta’ flus kontanti misruqa.
Il-Pulizija minnufih bdew bl-investigazzjonijiet intensivi li wasslu biex ġie identifikat l-allegat ħalliel. Huwa ġie arrestat il-Ġimgħa waranofsinhar hekk kif ħareġ minn blokka ta’ appartamenti f’Għajnsielem.
Huwa tressaq b’arrest fil-Qorti t’Għawdex, fejn ammetta l-akkużi u kien ikkundannat sentenza sospiża.
