Meta tintlagħab it-tmien ġurnata tas-Serie A, teżisti possibbiltá li Napoli jkabbru l-vantaġġ fil-quċċata tal-klassifika meta filwaqt li jilagħbu barra minn darhom kontra Empoli, Inter imorru għand Roma u Juventus jospitaw lil Lazio.
Empoli v Napoli – ll-leaders Napoli jmorru fit-Toscana biex jilagħbu kontra Empoli.
It-team immexxi mill-coach, Antonio Conte, irkupra sew mit-telfa inizjali ta’ 3-0 kontra Verona biex irreġistra ħames rebħiet u draw.
Min-naħa ta’ Empoli, jinsabu fl-10 post tal-klassifika u filwaqt li l-mira tagħhom kienet li jsalvaw mir-relegazzjoni, issa huma qed jimmiraw għal post f’xi kompetizzjoni Ewropea.
Peró, minkejja dan, Napoli xorta waħda jibdew bħala favoriti li jiksbu t- tliet punti.
Huma għandhom lill- goalkeeper, Alex Meret, imweġġa’ filwaqt li Empoli ma jistgħux jinkludu lil Saba Sazonov, Szymon Zurkowski, Samuele Perisan u Tyronne Ebuehi.
Roma v Inter – Dan huwa konfront klassiku bejn iċ-champions Inter u team li qed jittama għall-konsistenza u għall-kontinwitá taħt il-coach il-ġdid, Ivan Juric.
Bħalissa, il-Giallorossi jinsabu fid-disa’ post tal- klassifika u għaldaqstant huwa mperattiv li ma joħorġux b’idejhom vojta minn dan il-konfront.
Min-naħa tan-Nerazzurri, dawn jinsabu fit-tieni post tal-klassifika u għaldaqstant ikunu jridu jżommu l-kuntatt magħhom.
Din se tkun it-92 darba li Inter se jilqgħu lil Roma hekk kif il-bilanċ huwa favur Inter meta rebħu 47 filwaqt li Roma rebħu 16, bit-28 l-oħra jintemmu fi draw.
Roma għandhom barra lil Stephan El Sharaawy, Paulo Dybala u Alexis Saelemaekers li huma mweġġgħin.
Inter se jkollhom jgħaddu mingħajr Nicolo Barella u Tajon Buchanan għall-istess raġuni.
Juventus v Lazio – Juventus għandhom konfront diffiċli meta jilqgħu lil Lazio li jinsabu ndaqs fil-punti iżda l-Bianconeri għandhom differenza ta’ goals aħjar.
Wara d-draw ta’ 1-1 kontra Cagliari, il-Juventini jimmiraw li jirritornaw għar- rebħ kontra team li ġej minn suċċess ta’ 2-1 fuq Empoli.
Juventus għandhom bosta players neqsin minħabba li qed jirkupraw minn injury. Dawn huma Weston McKennie, Teun Koopmeiners, Nico Gonzalez, Bremer u Timothy Weah filwaqt li Francisco Conceicao huwa sospiż.
