Sewwieq ta’ ambulanza inqatel waqt li kien qed jittrasporta xi Palestinjani midruba f’attakk li seħħ nhar is-Sibt. Dan ġie kkonfermat mill-Ministeru tas-Saħħa Palestinjan, li f’kumment li ta lill-midja internazzjonali qal li s-sewwieq ġie identifikat bħala Mohammed Awad Allah Mohammed Musa.
Ġie kkonfermat li dan inqatel hekk kif l-ambulanza intlaqtet minn sparar. Dan ġie kkonfermat ukoll mis-soċjetà Palestinjana
F’inċident ieħor separat, il-Forzi tad-Difiża tal-Iżrael (IDF) żammew ekwipaġġ ieħor tal-ambulanza fid-daħla tal-isptar Thabet Thabet f’Tulkarm.
Aktar kmieni s-Sibt, l-IDF qalet li l-forzi tas-sigurtà qatlu 10 terroristi f’operazzjoni li għaddejja fil-kamp tar-refuġjati ta’ Nur Shams. Il-Ministeru tas-Saħħa Palestinjan ikkundanna kemm id-detenzjoni tal-ekwipaġġ tal-ambulanza kif ukoll “il-qtil intenzjonat ta’ xufier tal-ambulanza s-Sibt filgħaxija, waqt li kien qed jaqdi d-dmirijiet umanitarji tiegħu”.
Il-Ministeru qal fi stqarrija li qed jappella b’urġenza lill-organizzazzjonijiet internazzjonali tas-saħħa, lill-istituzzjonijiet tad-drittijiet tal-bniedem sabiex jaġixxu b’mod urġenti biex jitrażżnu l-attakki li qed jiżdiedu
