Raġel kellu jiddaħħal l-Isptar wara li aktar kmieni llum, għall-ħabta tas-7:15 a.m., kien involut f’inċident tat-traffiku fi Triq il-Marsa, il-Marsa.
Minn stħarriġ illi sar irriżulta li kienet seħħet ħabta bejn mutur Kymco Agility misjuq minn raġel Bulgaru ta’ 55 sena, u vettura Toyota Vitz misjuqa minn raġel ta’ 46 sena residenti l-Imsida.
Fuq il-post issejjaħ tim mediku u ambulanza ħadet lis-sewwieq tal-mutur l-Isptar Mater Dei sabiex jingħata l-kura meħtieġa. Aktar tard huwa ġie ċċertifikat li weġġa’ gravi.
L-investigazzjonijiet mill-Pulizija għadhom għaddejjin.
