Sewwieq ta’ mutur kellu jiddaħħal l-Isptar Mater Dei wara li għall-ħabta tas-7:45am kien involut f’inċident tat-traffiku fi Triq Sebħ, f’Ħal Qormi.
Informazzjoni li għandu dan is-sit tgħid li l-inċident seħħ bejn mutur u karozza.
Fuq il-post issejjaħ tim mediku b’ambulanza biex jassisti. Wara li ngħata l-ewwel għajnuna fuq il-post, is-sewwieq tal-mutur ittieħed l-Isptar għal aktar kura.
Il-kundizzjoni tiegħu għadha mhix magħrufa, filwaqt li l-Pulizija qed jinvestigaw dan l-inċident.
