Sharp Shot TT Academy Jekyll and Hyde jinsabu jokkupaw l-ewwel post fil-kampjonat tat-tielet diviżjoni tat-table tennis wara li għelbu l-isfida diretta ta’ Sharp Shot Xiom 4-2. S’issa dan it-tim kiseb rekord perfett meta għandu punti massimi minn disa’ logħbiet.
F’aktar riżultati, Kindred, Alpha Flexxon u HiTT Academy Sports Experience kisbu skor identiku ta’ 4-2 konra Top Spin TTA Skelton, Alpha Dynatec u Sharp Shot Petrolea rispettivament filwaqt li HiTT Academy Faraxa u Alpha Codexx iddominaw il-konfront tagħhom kontra Top Spin TTA Novacell u HiTT Academy Tibhar Evolution 6-0.
Fir-raba’ diviżjoni t-timijiet inqasmu fi Promotion Pool u Plate Pool. F’sezzjoni A, Alpha Youths temmew l-ewwel fażi fil-quċċata wara li l-ġimgħa l-oħra għelbu lil MITTC Butterfly Mizuno 5-1.
Min-naħa l-oħra, f’sezzjoni B MITTC Tenergy baqgħu l-ewwel b’punti massimi minkejja li kienu bye matul din il-ġimgħa.