Swieqi United ingħaqdu ma’ Lija Athletics A u Santa Margherita fis-semifinali tal-Enemed Women’s Futsal Trophy meta għelbu lil Mtarfa Futsal 4-3 wara l-ħin barrani.
Kienet logħba ferm sabiħa u bilanċjata biż-żewġ naħat li bdew jalternaw fil-vantaġġ tagħhom bl-iskor finali sa tmiem il-ħin regolamentari li kien dak ta’ 3-3.
Fil-ħin barrani, kienu Swieqi li skorjaw il-gowl tar-rebħa sabiex qatgħu passaġġ għal mal-aħħar erbgħa ta’ din il-kompetizzjoni.
Janice Pace poġġiet lil Mtarfa minn fuq sabiex Vanessa Carneiro skorjat doppjetta għal Swieqi u eventwalment qalbet l-iskor favur it-tim tagħha.
Wara li Charlene Cassia skorjat il-gowl tad-draw għal Mtarfa, Amy Abdilla għamlet l-iskor 3-2 favur Swieqi.
Tliet minuti qabel tmiem il-konfront, Oriana Bedingfield għamlet l-iskor indaqs 3-3 għal Mtarfa bil-logħba tmur għall-ħin barrani.
Swieqi skorjaw dak li kellu jkun il-gowl ta’ kwalifikazzjoni permezz ta’ Amy Abdilla.
Referees kienu Clinton Cassar u Antonio Cassar.
Sadanittant, is-semifinali tal-Enemed Women’s Futsal Trophy jintlagħbu l-ġimgħa d-dieħla fejn nhar it-Tlieta Lija Athletics A jilagħbu kontra Santa Margherita filwaqt li l-Erbgħa, Swieqi United Futsal jiltaqgħu kontra University of Malta ACJ Group.
