“In-nuqqas tagħkom inħossu ħafna. Ħafna mid-drabi nibda nieqaf u naħseb dwar is-sninli għaddew. Nibda nistaqsi dwar kif setgħet tkun il-ħajja kieku għadkom miegħi”
Dan qalitu Andonia Zahra f’messaġġ fuq Facebook, hekk kif fakkret il-memorja ta’ ommha Graziella u oħtha Fallon, li sfortunatament tilfu ħajjithom bħal-lum ħames snin f’inċident tat-traffiku fl-Imġarr.
Fl-istess messaġġ, Andonia qalet li ta’ spiss tiftakar fil-memorji sbieħ li kellha ma’ oħtha u ma’ ommha. Spjegat kif tifkiriet bħal dawn iqanqlu sens ta’ ferħ u fl-istess ħin ifakkruha li ħajjitha ma’ baqgħetx l-istess.
