Juventus qed juru interess fid-difensur ċentrali Ġappuniż Takehiro Tomiyasu. Dan tal-aħħar bħalissa jinsab imweġġa’ u bil-wasla ta’ Riccardo Calafiori u bl-inklużjoni ta’ Jurrien Timber, l-affarijiet għalih biex ikun parti mill-ewwel ħdax huma xi ftit diffiċli.
Dan kollu jista’ jwassal sabiex il-plejer ta’ 25 sena minn Fukuoka jitlaq mill-Emirates Stadium u jmur fil-belt ta’ Turin bis-somma mitluba mill-Gunners tkun dik ta’ €20 miljun.