Tappella għal donazzjonijiet minħabba spejjeż kontinwi biex jagħtu ħajja ġdida liż-żwiemel

Ftit tal-jiem ilu dan is-sit irrapporta l-istorja dwar RMJ Horse Rescue li l-għan tagħha huwa li jkunu jistgħu jsalvaw dawk iż-żwiemel li jkollhom bżonn ħafna għajnuna u li jekk ma tingħatax sfortunatament il-futur tagħhom ikun biss il-mewt. 

Peress li din hija NGO tibbaża ħafna fuq id-donazzjonijiet tal-pubbliku, dalgħodu għamlet appell urġenti għad-donazzjonijiet minħabba spejjeż kontinwi biex jagħtu ħajja ġdida liż-żwiemel.

Din l-NGO mhux biss issalva ‘l fuq minn 100 żiemel fis-sena, bil-maġġoranza tagħhom jibgħatuhom l-Ingilterra, iżda bħalissa hemm 87 żiemel fil-kura tagħhom.

Apparti mill-ispejjeż involuti għat-trasport taż-żwiemel lejn l-Ingilterra, l-ispejjeż tal-ikel ma naqsux u spjegaw li għandhom bżonn il-flus biex ikunu jistgħu jgħinu aktar żwiemel.

Għal din ir-raġuni huma qalu li għandhom bżonn li jinġabru €400, flus li se jkunu qed imorru biex jagħtu ħajja denja għaż-żwiemel fil-bżonn.

Kull qatra tgħodd biex dan il-proġett jista’ jkompli għaddej. Tista’ tagħmel dan permezz tal-Paypal [email protected]; IBAN MT53VALL22013000000040023793448; Revolut 99947633 u tidħol fuq: https://gogetfunding.com/in-desperate-need-of-help-3/