Friday, July 19, 2024

Team Alliance jirbħu l-Cawnpore Cup

Aqra wkoll

Team Alliance rebħu l-Cawnpore Cup meta f’logħba ferm kumbattuta għelbu lil Veuve Cliquot 9-6. Dan kien wieħed mill-akbar avvenimenti tas-sena organizzat mill-Malta Polo Club b’kollaborazzjoni ma’ EquestriMalta u li għalaq ukoll staġun ferm impenjattiv.

Għal Team Alliance spikkaw Greg Gera u Matthew Borg li skorjaw tliet gowls kull wieħed b’Martin Arrigo jiskorja doppjetta u b’Matthew Grech li għaqqad l-iskor għat-tim tiegħu.

Veuve Cliquot baqgħu dejjem fil-logħba b’Karl Galea li skorja erba’ gowls filwaqt li Jeremy Besancon u Jean Vella li niżżlu isimhom fost l-iskorers.

Team Alliance kien jikkonsisti f’Matthew Grech, Matthew Borg, Greg Gera u Martin Arrigo filwaqt li Team Veuve Cliquot kellhom lil Jean Vella, Karl Galea, Julian Mamo u Jeremy Besancon.

Intlagħbet ukoll in-Novice Cup fejn kienu Team Finestral li għelbu lil Schweppes ħames punti u nofs għal erbgħa.

Team Finestral bdew b’vantaġġ ta’ punt u nofs bil-plejer żagħżugħ Bradlee Farrugia li skorja erba’ gowls u b’Simon Psaila li kien awtur ta’ doppjetta.

Chris Delia skorja tripletta għal Team Schweppes.

Ekonomija

Sport