Pulizija fi New Jersey għadda minn esperjenza kbira fl-aħħar sigħat u dan hekk kif l-intervent tiegħu wassal biex tarbija ta’ xahar tkun salvata. It-tarbija intefgħet minn gallarija għal isfel, żewġ sulari għoli.
Il-Pulizija Eduardo Mutato irnexxielu jilqa’ lit-tifla meta din intefgħet mill-gallarija għal isfel minn raġel.
It-tarbija għalkemm intlaqgħet mill-Pulizija ma weġġgħatx iżda xorta ittieħdet l-isptar għal osservazzjoni. Ir-raġel kien arrestat u qed ikun interrogat.
