Minkejja li ilu jissemma’ għal dawn l-aħħar jiem, il-kowċ Olandiż Erik Ten Hag jista’ ma jingħaqadx ma’ Borussia Dortmund sabiex imexxihom. Hekk kif f’Ottubru li għadda hu spiċċa minn kowċ ta’ Manchester United, ħafna bdew iqisuh bħala ideali biex jieħu post Nuri Sahin li tkeċċa mit-tim ta’ Dortmund wara t-telfa imbarazzanti fil-UEFA Champions League kontra Bologna.
Ten Hag ma tantx deher ħerqan meta semmewlu lit-tim li jilgħab fis-Signal Iduna Park u għalhekk it-tfittxija għall-kowċ il-ġdid għadha għaddejja.