It-tennista numru wieħed fid-dinja, Jannik Sinner, mhux se jiddefendi t-titlu tiegħu taċ-China Open hekk kif ikompli jirkupra minn injury fl-irkoppa.
L-istess injury wasslet biex ħallietu barra milli jipparteċipa fl-US Open f’Awwissu, u t-Taljan ilu ma jilgħab partita kompetittiva minn meta rebaħ kontra Alexander Zverev fil-finali ta’ Wimbledon.
Sinner, li għandu 25 sena, rebaħ iċ-China Open fl-2023 u fl-2025. It-tournament jibda nhar l-Erbgħa u jintemm fis-6 ta’ Ottubru.
“Irrid nibgħat l-isbaħ tislijiet tiegħi lill-partitarji Ċiniżi,” qal Sinner f’filmat li ttella’ fuq il-pjattaforma tal-midja soċjali X.
“Jiddispjaċini ħafna li nħabbar li din is-sena mhux se nkun nista’ nilgħab f’Beijing. L-irkoppa tiegħi għadha mhix kif nixtieqha u għadni mhux lest biex nikkompeti.
“Se nagħmel dak kollu possibbli biex inkun fuq il-court mill-aktar fis possibbli. Dak li l-aktar qed nimmissja ovvjament, huwa t-tournament, il-partitarji u l-atmosfera. Kelli żminijiet mill-aqwa hemmhekk fil-passat, u s-sena l-oħra wkoll irnexxieli nirbaħ it-titlu.
“Inħossni mnikket ħafna li din is-sena ma nistax niddefendih.”
