L-istilla tat-tennis, Novak Djokovic, kellu l-viża tiegħu biex jidħol l-Awstralja revokata b’mod drammatiku mal-wasla tiegħu f’Melbourne.
In-numru wieħed tad-dinja nżamm fl-ajruport tal-belt għal diversi sigħat qabel ma l-forzi tal-fruntiera ħabbru li ma kienx issodisfa r-regoli tad-dħul u eventwalment ġie wkoll deportat.
Huwa wasal f’dan il-pajjiż ġurnata wara li ngħata eżenzjoni mir-regoli tat-tilqim biex jilgħab fl-Australian Open.
Il-Prim Ministru Awstraljan, Scott Morrison, qal li ħadd ma kien ‘il fuq mir-regoli, u Djokovic huwa rrappurtat li qed jisfida d-deċiżjoni.
Ftit wara l-wasla tiegħu f’Melbourne, l-awtoritajiet innutaw li t-team tiegħu ma kienx talab viża li tippermetti eżenzjonijiet mediċi talli ma jkunx imlaqqam. Djokovic ma tkellimx dwar l-istat tat-tilqim tiegħu, iżda s-sena l-oħra qal li kien “kontra t-tilqim”.
Mhux ċar jekk il-player hux se jibqa’ l-Awstralja filwaqt li l-avukati tiegħu jippruvaw iwaqqgħu d-deċiżjoni.
Fi stqarrija, il-Forza tal-Fruntiera Awstraljana qalet li Djokovic “naqas milli jipprovdi evidenza xierqa biex jissodisfa r-rekwiżiti tad-dħul fl-Awstralja, u l-viża tiegħu ġiet sussegwentement kanċellata.
“Min mhuwiex ċittadin li ma jkollhomx viża valida mad-dħul jew li kellhom il-viża tagħhom ikkanċellata se jinżammu u jitneħħew mill-Awstralja,” żiedet.
Il-Ministru tas-Saħħa Awstraljan, Greg Hunt, qal: “L-Awstraljani kellhom jagħmluha iebsa, u l-Awstraljani f’ħafna stati u territorji differenti jridu juru r-rekord tat-tilqim tagħhom … mhuwiex raġonat li jkollhom eżattament l-istess rekwiżiti ta’ dawk kollha li jidħlu f’dan il-pajjiż.”
Il-Prim Ministru, Scott Morrison, għamel tweet: “Ir-regoli huma regoli, speċjalment meta niġu għall-fruntieri tagħna. Ħadd mhu ‘l fuq minn dawn ir-regoli.”
It-trattament tiegħu qanqal għajb f’pajjiżu s-Serbja. Missieru, Srdjan Djokovic, qal li ibnu kien f’kamra mgħasses mill-pulizija.
“Din mhix biss ġlieda għal Novak, iżda ġlieda għad-dinja kollha,” qal fi stqarrija lill-midja.
Il-President Aleksander Vucic qal li l-istilla kien vittma ta’ “fastidju”, u li “s-Serbja kollha”, appoġġatu.
“M’għandu jkun hemm l-ebda regoli speċjali għal Novak Djokovic,” tenna Morrison.
L-Awstralja qed tara għexieren ta’ eluf ta’ każijiet ta’ Covid-19 għall-ewwel darba wara li ġarrbet xi wħud mir-restrizzjonijiet l-aktar stretti fid-dinja. Iktar minn 90% tal-popolazzjoni Awstraljana ta’ aktar minn 16-il sena hija kompletament imlaqqma, iżda xi nies għadhom ma jistgħux jivvjaġġaw bejn l-istati jew globalment minħabba l-miżuri attwali.
Ħafna Awstraljani qabel kienu akkużaw lill-gvern li ħalla lis-sinjuri u l-famużi jagħmlu li jridu filwaqt li n-nies ordinarji baqgħu separati mill-maħbubin morda u li qed imutu.
L-Australian Open se jibda fis-17 tax- xahar f’Melbourne Park. Djokovic rebaħ dan it-tournament disa’ darbiet.