Tfajla ta’ 20 sena minn Franza qed issofri minn ġrieħi gravi wara li għall-ħabta ta’ nofsillejl, kienet involuta f’inċident fi Triq Paceville f’San Ġiljan.
Minn stħarriġ illi sar, irriżulta li l-vittma daħlet f’sit li fih għaddejjin xi xogħolijiet u waqgħet f’xaft, madwar sular u nofs.
Tim mediku u membri mid-Dipartiment tal-Protezzjoni Ċivili assistew lit-tfajla u wara ttieħdet l-Isptar Mater Dei permezz t’ambulanza.
L-investigazzjonijiet tal-Pulizija għadhom għaddejjin.
