Tħabbret il-mewt ta’ Joe, missier Nirvana, li wkoll kienet tilfet ħajjitha.
F’messaġġ fuq il-midja soċjali, Dalli fakkret fir-rabta ta’ rispett u mħabba reċiproka li nibtet bejniethom wara t-telfa ta’ Nirvana.
Il-Ministru fakkret kemm Joe kien bata bit-telfa ta’ bintu, iżda minkejja n-niket tiegħu, baqa’ jsib is-saħħa biex ikun ta’ appoġġ għal martu Anna u għal ulied Nirvana.
“Joe, il-qalb tajba tiegħek u l-imħabba li kellek lejn il-familja tiegħek jibqgħu tifkira sabiħa ta’ min kont,” kitbet Dalli, filwaqt li wasslet il-kondoljanzi tagħha lill-familja kollha.
