Hekk kif is-Sibt li għadda, Bayern Munich għelbu lil Werder Bremen bl-iskor ta’ 2-1 barra minn darhom, bosta kritiċi tal-futbol Ġermaniż għamlu plejtu għax għat-tieni logħba konsekuttiva tħalla barra mill-iskwadra l-attakkant veteran Thomas Muller.
Għal dan l-għan tkellem il-kowċ Thomas Tuchel li qal li ċerti deċiżjonijiet irid joħodhom għall-ġid tat-tim. Hu sostna li l-istess Muller aċċetta din is-sitwazzjoni anke għax jaf li issa m’għadux daqshekk żgħir. Hu temm jgħid li l-mezzi tax-xandir Ġermaniżi qed jagħmlu ħafna għaġeb fuq ix-xejn.
