Dik li kellha tkun lejla ta’ ċelebrazzjoni, sfat fi traġedja. Tifel ta’ 9 snin sar l-iżgħar persuna li miet minħabba ġrieħi li ġarrab waqt il-festival tal-mużika Astroworld fi Houston.
L-avukat tal-familja Ben Crump qal li Ezra Blount sfortunatamanet tilef ħajtu lbieraħ fl-Isptar tat-Tfal ta’ Texas fi Houston.
Iċ-ċkejken kien jinsab f’koma medika wara li sofra ġrieħi hekk kif kien jinsab waqt il-festival li sar fil-5 ta’ Novembru.
B’din l-aħbar traġika jfisser li huwa sar l-10 vittma ta’ dan il-festival.
Treston Blount, missier Ezra, iddeskriva dak li ġara fil-5 ta’ Novembru f’post fuq paġna GoFundMe li waqqaf biex ikun jista’ jħallas l-ispejjeż mediċi ta’ Ezra. Qal li Ezra kien bilqiegħda fuq spallejh meta f’daqqa waħda resqet folla kbira lejhom. Kawża t’hekk, il-missier intilef minn sensih u wara ngħata l-aħbar li t-tifel tiegħu kien jinsab l-isptar minħabba l-ġrieħi li sofra f’diversi organi.
Sfortunatament dan il-festival ħalla numru ta’ vittmi oħra li l-età tagħhom tvarja bejn l-14-il sena u s-27 sena.
I am saddened to learn of Ezra’s death this evening. Our city tonight prays for his mom, dad, grandparents, other family members and classmates at this time. They will need all of our support in the months and years to come. May God give them strength. RIP Ezra. st #AstroWorld pic.twitter.com/Ankq7FMa3l
— Sylvester Turner (@SylvesterTurner) November 15, 2021
